Sigal Prishtina demolon Apoelin. Sigal Prishtina starton me fitore bindëse me rezultat 93:74 (33:23, 27:22, 11:16, 22:13) ndaj Apoel Nikosia nga Qipro, në hapje të grupit C të FIBA Europe Cup në basketboll.
Ballafaqimi u luajt në Qendrën e Rinisë dhe të Sportit në Prishtinë. Basketbollisti Dardan Berisha me 32 pikë ka qenë kreator i fitores së thellë, i ndihmuar edhe nga Divine Myles me 22 e Fahro Alihoxhiq me 17 sosh.
Te mysafirët më së shumti pikë shënuan Michael Sanchez Cuffe e Jarvis Garret Jr, secili nga 15.
Prishtina ka qenë shumë më e mirë dhe në anën tjetër edhe tifozët i dhanë zjarr lojës së tyre. Dardan Berisha ka qenë i pandalshëm dhe më i merituari për fitoren e thellë me 19 pikë dallim.
