Anthony Davis pati 29 pikë dhe 14 kërcime, dhe Dwight Howard shtoi 16 pikë, 10 kërcime dhe katër bllokada në fitoren 120-101 të Los Angeles Lakers ndaj Charlotte Hornets të dielën në mbrëmje.
LeBron James pati 20 pikë, 12 asistime dhe gjashtë kërcime për Lakers, të cilët morën nën kontroll fitoren e dytë radhazi,
Davis tregoi aftësinë e tij të klasit botëror për tifozët e tij të ri në shtëpi në pjesën e parë, duke shënuar 25 pikë. James dhe Howard morën përsipër përgjegjësinë pas pushimit, me James që ishte orkestrues dhe Howard duke vënë një përformancë mbresëlënëse gjithandej që tërhoqi ovacione të shumta.
Te Hornets, Miles Bridges shënoi 23 pikë, ndërsa Cody Zeller dhe Terry Rozier shtuan 19 sosh për humbjen e dytë të ekipit.
Në dy ndeshjet e tjera që u zhvilluan mbrëmë, Portland Trail Blazers fitoi 121 – 119 ndaj Dallas Mavericks kurse Minnesota Timberwolves mposhti 116 – 109 Miami Heat.
