Mabetex Prishtina luftoi aq sa mundi - Bota Sot
Mabetex Prishtina luftoi aq sa mundi

Basketboll

Mabetex Prishtina luftoi aq sa mundi

Më: 8 nëntor 2019 Në ora: 11:04
Mabetex Prishtina luftoi aq sa mundi

Mabetex Prishtina është mundur nga MBA Moska 42:101 (15:21, 8:29, 8:21, 11:30) në grupet e FIBA EuroCup Women.

Çereku i parë ishte mjaft i barabartë, ku vashat prishtinase u përpoqën tu bënë ballë mysafireve, që e fituan këtë pjesë 15:21, derisa te Prishtina pikët i shënuan Irma Konjusha (8) dhe Enxhi Xhanaj (7).

Por, në periodën e dytë, skuadra ruse ishte më e mirë 8:29, duke shkuar në pushim me rezultat 23:50. MBA Moscow vazhdoi me lojë të mirë edhe në çerekun e tretë që e fitoi 8:21 dhe atë të fundit 11:30, për të shënuar fitore 42:101.

Te Mabetex Prishtina u dalluan Irma Konjusha me 18 pikë, pesë kërcime dhe shtatë asistime, Nyilah Myers me 12 pikë e nëntë kërcime, si dhe Enxhi Xhanaj me 10 pikë. Te skuadra mysafire më e dalluara ishte Anastasia Logunova me 21 pikë.

Kjo ishte humbja e katërt për skuadrën prishtinase, derisa fitorja e katërt për skuadrën nga Rusia.

Sot mund të lexoni Shfletoni kopertinat