FBK edhe me një ligë - Bota Sot
FBK edhe me një ligë

Basketboll

FBK edhe me një ligë

Më: 12 nëntor 2019 Në ora: 15:55
FBK edhe me një ligë

Të martën në zyrat e Federatës së Basketbollit të Kosovës (FBK), Sekretarja e Përgjithshme e FBK-së, Elvira Dushku dhe Komisari i Garave, Faton Kurshmlija kanë pritur krerët e Federatës Sportive të Punëtorëve të Kosovës (FSPK), presidentin Ismail Sadiku dhe sekretarin Sefedin Sefaj.

Gjatë këtij takimi zyrtarët e FBK-së kanë ofruar ndihmën e tyre në lidhje me riaktivizimin e Ligës së Basketbollit të Punëtorëve Sportivë të Kosovës dhe njëkohësisht i kanë ofruar përkrahje për çkado që është e nevojshme për riaktivizimin e kësaj lige, që është shumë e rëndësishme.

Ndërkohë, krerët e FSPK-së janë shprehur se riaktivizimi i kësaj lige është shumë i rëndësishëm, derisa kanë falënderuar FBK-në për mbështetje.

Gjatë këtij takimi u bë e ditur se për nder të 28 Nëntorit do të organizohet edhe një turne për Ditën e Flamurit, ku do të marrë pjesë edhe Federata e Basketbollit e Kosovës me dy ekipe, një në konkurrencën e meshkujve dhe një në atë të femrave.

Turneu do të zhvillohet më 23 nëntor dhe priten të zhvillohen ndeshje interesante në streetball, por edhe në sporte të tjera.

Sot mund të lexoni Shfletoni kopertinat