Ekipi i Milwaukee Bucks triumfoi 123-102 ndaj Chicago Bulls në ndeshjen e luajtur në fushën e këtyre të fundit, duke konsoliduar pozitat në krye të renditjes në Konferencën e Lindjes.
Ndeshje e dominuar nga basketbollistët e ekipit të Bucks, ku u dalluan Middleton me 25 pikë e Antetokounmpo me 23 pikë e 10 kërcime. Fiton edhe ekipi i Utah Jazz, që mundi 104-81 Detroit, sfidë ku u dallua Mitchell me 23 pikë.
Jashtë fushe fitoi Atlanta, që mundi 101-93 Orlando, sfidë ku herë udhëhiqte njëra skuadër e herë tjetra.
Diferencën për skuadrën e Atlantës e bënë lojtarët e stolit, që realizuan 52 pikë.
Zhgënjen Miami, që u mund 123-105 nga Washington, ndeshje e dominuar nga vendasit, ku u dalluan McRae me 29 pikë e Mahnimi me 25 pikë. Pas kohës shtesë fiton Minnesota, që mundi 122-115 Brooklyn, me Napier që realizoi 24 pikë. /Telesport
NBA – Rezultatet e sotme
Orlando – Atlanta, 93-101
Washington – Miami, 123-105
Chicago – Milwaukee, 102-123
Minnesota – Brooklyn, 122-115
Utah Jazz – Detroit, 104-81
Portland – Phoenix, 116-121
