KB Rahoveci ka arritur fitore të madhe në kuadër të Ligës Ballkanike ndaj skuadrës Ibar Rozhaje e zhvilluar në palestrën ‘Sportski Centar’.
‘Vreshtarët’ fituan me rezultatin 67:72, duke bërë kështu hapin e madh duke u kualifikuar në fazën e play off-it të kësaj lige.
Te Rahoveci, me 19 pikë u dallua amerikani, Davis, kurse 18 pikë të tjera i shtoi edhe Mcfolley.
E Arian Callaku ishte më i dalluari nga basketbollistët kosovar në këtë takim duke shënuar 12 pikë në 27 minuta lojë.
Kurse, te skuadra vendase Ibar, u dalluan dyshja, Cekic (17 pikë) dhe Simovic (16).
Kështu, pas Academic Butlex, Pejës e Ibar Rozhajës, Rahoveci bëhet skuadra e katërt që siguron plasmanin tutje.
Ndërsa skuadra e vetme që eliminohet nga kjo garë është ekipi shqiptar i Vllaznisë së Shkodrës që pas tetë ndeshjeve arriti vetëm dy fitore e bëri gjashtë humbje.
