Kryetari i Federatës së Basketbollit të Kosovës, Arben Fetahu, është sikur në qiellin e shtatë dhe ende nuk mund të çlirohet nga emocionet e kësaj fitoreje të kombëtares së Kosovës, me rezultat 80:78 kundër Islandës, në kuadër të grupit B të parakualifikueseve për Kampionatin Botëror 2023.
“Çfarë beteje, çfarë ekipi, çfarë emocioni... Në foton e poshtme janë vetëm disa prej atyre që besuan që mund të fitojmë ndaj vikingëve islandezë dhe punuan e u angazhuan për këtë fitore, ndërsa në foton e sipërme janë ata të cilëve u dedikohet kjo fitore, dardanëve tanë!!!
Ju lumtë djema, ju lumtë Dardanë!
Urime Kosova jonë e dashur!!!”, shkruan Fetahu.
