Java e 16-të e Superligës së Femrave do të sjellë disa ndeshje interesante.
Takimi i parë është ndërmjet Penzës dhe Kastriotit, ku vashat pejane janë në vendin e tretë me nëntë fitore dhe gjashtë humbje, derisa vashat ferizajase kanë dy fitore dhe 13 humbje.
Të dielën, Trepça e pret Bashkimin. Skuadra mitrovicase ka pesë fitore dhe 10 humbje, kurse ajo prizrenase është në vendin e parë me 14 fitore dhe një humbje.
Dueli i fundit është në mes Mabetex Prishtinës dhe Vëllaznimit. Prishtina ka 13 fitore dhe dy humbje, derisa skuadra kuqezi dy fitore dhe 13 humbje.
Superliga e Femrave - Java 16
E premte
17:00 Penza - Kastrioti
E diel
13:00 Trepça - Bashkimi
14:30 Mabetex Prishtina - Vëllaznimi