Klubi i mirënjohur i basketbollit Cibona nga Zagrebi po kalon periudhën më të rëndë të ekzistimit. Dy herë kampioni evropian dhe kampioni i shumëfishtë kroat ka probleme financiare qe një kohë të gjatë dhe kriza është thelluar edhe më shumë nga situata e re e koronavirusit.
Drejtori i Cibonës, Domagoj Çavloviç, tha se klubi i famshëm i Zagrebit po kërcënon të shuhet nëse nuk merr ndihmë nga Qyteti.
Cibona po shpreson gjithashtu për ndihmë nga qeveria kroate, dhe tashmë ka ndërprerë kontratat me shumicën e lojtarëve.
“Nëse nuk marrim asgjë nga Qyteti, nëse të ardhurat tona janë bllokuar, atëherë jemi në prag të kolapsit. Kjo situatë mund të trondit këdo, jo vetëm Cibona” - tha Çavloviç për “Vecernji List”.