John Wall paralajmëron kundërshtarët: Do të kthehem më i fortë - Bota Sot
John Wall paralajmëron kundërshtarët: Do të kthehem më i fortë

Basketboll

John Wall paralajmëron kundërshtarët: Do të kthehem më i fortë

Më: 1 maj 2020 Në ora: 20:28
John Wall

Ylli i NBA, John Wall, ka lëshuar një paralajmërim për kundërshtarët e tij.

Organizatori i Washington Wizards, Wall, ka bërë të ditur se po e shfrytëzon në maksimum kohën e tij në karantinë dhe po stërvitet fort.

Wall është shprehur se do të kthehet më i fuqishëm se kurrë, dhe ka thënë se pjesa e frikshme është se kundërshtarët nuk kanë parë akoma më të mirën nga ai.

“Unë do të jem më i mirë sesa kam qenë më parë, dhe kjo është pjesa e frikshme”, ka thënë Wall.

“Ata akoma nuk kanë parë më të mirën nga John Wall”, ka shtuar tutje amerikani.

Wall, gjatë sezonit 2018/19 ka regjistruar 20.7 pikë për ndeshje, 8.7 asistime për ndeshje, 3.6 kërcime për ndeshje dhe 1.5 topa të vjedhur për ndeshje, duke shtuar edhe 1 bllokadë për ndeshje. Gjithë këto, duke qenë 44% i saktë nga loja e hapur.

Wall regjistroi 32 ndeshje në sezonin 2018/19. Imagjinoni se çfarë mund të sjell ai me përmirësimin që ka paralajmëruar.

Sot mund të lexoni Shfletoni kopertinat