Vitet e 90-ta janë të paharruara dhe gjithmonë do të mbetet në kujtesë dhuna e shfrenuar e pushtuesit serb.
Edhe sporti përjetoi dhunën e paparë nga regjimi serb. Sportistët shqiptarë zhvilluan aktivitetet në fusha e salla të improvizuara por edhe aty u përndoqën, u arrestuan, u burgosën dhe shumë ndeshje edhe u ndërprenë.
Ibrahim Karabeg, i takon Gjeneratës së Republikës. Ai ka qenë trajner i basketbollit dhe që ka bërë punë të madhe, duke kontribuar në zhvillimin e garave.
Karabeg me mijëra sportistë nuk u ndalën, nuk u frikësuan as nga kërcënimet më të rënda që vinin nga pushtuesi serb.
Ata zhvilluan garat në kuadër të Republikës së Kosovës. Karabeg sot është i lumtur që Kosova është shtet dhe ky brez luan në stadiume dhe në palestrat sportive.