Njëri nga basketbollistët më të talentuar kosovar, Kenan Sipahi do të largohet nga Real Betisi në drejtim të Fenerbahces, shkruan Insporti.
Sipahi, i lindur në Prishtinë karrierën e ka nisur në moshën 11 vjeçare në Bursa teksa cilësohej si njëri ndër talentët më premtues të Turqisë që në moshën 15 vjeçare. Debutimin në basketbollin profesionist e bëri me Tofas Bursa në vitin 2010.
25 vjeçari ka luajtur edhe më parë për Fenerbahcen, por një lëndim i rëndë i krahut në takimin ndaj Trabzonspor në kuadër të Kupës së Turqisë bëri që koha e tij tek njëherë kampioni i evropës të përfundonte herët.
Nga gushti i vitit 2019, Sipahi është pjesë e klubit spanjoll Coosur Real Betis ndërsa sipas burimeve të Insportit, hapi i radhës në karrierë do të jetë 9 herë kampioni i Turiqsë, Fenerbahce.
Lojtari ka nënshkruar kontratë 1 vjeçare.