Michael Jordan është pronari i vetëm me ngjyrë i një skuadre të NBA-së (Charlotte Hornets). Gjithsesi, së shpejti ai do të bëhet një nga pronarët e paktë me ngjyrë edhe në garat Nascar.
Legjenda e NBA-së, 6 herë kampion, ka deklaruar që do të hedhë në treg një skuadër të re në kampionatin Nascar, emri i së cilës ende nuk është bërë me dije.
Për momentin, skuadra e re që do të krijohet nga Jordan do të ketë vetëm një makinë, që do t’i besohet Bubba Wallace, pilotit të vetëm me ngjyrë që garon në kampionatin Nascar.
Wallace, kohët e fundi tai është kërcënuar disa herë me jetë, duke qenë në betejën ndaj racizmit në sport. Makina e re e Jordan pritet të debutojwë vitin e ardhshëm.
