Nuk sosen problemet në ligën rajonalet të basketbollit - ABA.
Sipas televizionit serb "Nova", xhirollogaria bankare e ligës rajonale është bllokuar!?
“Kështu që, aktiviteti i biznesit i ABA League është me mundësi të kufizuara.
Është epilogu i një serie seancash të pasuksesshme të Asamblesë, mosmarrëveshjeve midis klubeve, debateve dhe duke parë vetëm interesat e veta...
Pandemia e koronavirusit ndërpreu sezonin e kaluar të ABA League në fillim të marsit. Sezoni aktual filloi të premten e kaluar, i cili padyshim nisi me probleme”, shkruan mediumi maqedon “Sportmedia”.
Bllokimi i xhirollogarisë bankare raportohet se vjen për shkak të çështjes së pazgjidhur të pronësisë brenda kampionatit, e cila është arsyeja që klubet kanë qenë në konflikt gjatë muajve të fundit. ABA League mbulon shpenzimet e udhëtimit të klubeve dhe zyrtarëve, ndërsa tani është në bllokadë, nuk është në gjendje të paguajë faturat.
