Në Ligën Rajonale – ABA, marrin pjesë klubet kroate, sllovene, boshnjake, malazeze, serbe.
Nebojsha Çoviq, presidenti i Cërvena Zvezdës së Beogradit, i cili, sipas dokumenteve, është nënkryetar i ligës ABA dhe një nga personat e autorizuar, bllokoi llogarinë e ligës ABA.
Çoviq kërkoi nga banka "Raiffeisen" në Zagreb (vendi ku u themelua ABA league sh.pk) të bllokojë llogarinë derisa të zgjidhen marrëdhëniet juridike-pronësore në ligë.
Përveç njeriut të parë të Zvezdës, personat e autorizuar janë edhe Dragan Bokan, presidenti i Buduçnostit të Podgoricës, si dhe Mlladen Weber, ish nënkryetari i Cedevita-s, një klub që nuk ekziston zyrtarisht por sot e ka emrin Cedevita - Olimpia.
I gjithë problemi në Ligën e Adriatikut, ndër të tjera, lindi rreth transferimit të pronësisë nga tri klubet e vjetra në tri klubet aktuale.
