Superliga në basketboll vjen me dy duele interesante

Basketboll

Superliga në basketboll vjen me dy duele interesante

Më: 4 prill 2021 Në ora: 08:16
Foto ilustrim

Sot Superliga e Kosovës në basketboll do sjell duele interesante në kuadër të xhiros së 27-të.

Sot do të zhvillohet derbi prizrenas mes Bashkimit dhe Ponte Prizrenit. Bashkimi renditet në vendin e pestë me 37 pikë, kurse Ponte në vendin e parë me 44 pikë.

Sfidë e ‘zjarrtë’ pritet ndërmjet Vëllaznimit dhe Sigal Prishtinës, dy skuadra që nuk kanë rezultate të dëshirueshme në Superligë këtë sezon.

Të dyja skuadrat kanë nga 35 pikë, duke u renditur në vendin e shtatë, përkatësisht të tetë dhe do të jetë përballje direkte për të mos rënë nga Superliga.

Dy vendet e para në renditje do të kualifikohen direkt në gjysmëfinale të “Play-off”-it, kurse në çerekfinale do të ballafaqohen vendi i tretë me të gjashtin dhe i katërti me të pestin.

Vendi i shtatë do të luajë në “Play-out” me finalistin e “Play-off”-it të Ligës së Parë, kurse vendi i tetë bie nga Superliga.

Renditja momentale është kjo: Ponte Prizreni 44, Rahoveci 43, Golden Eagle Ylli 42, Peja 40, Bashkimi 37, Trepça 36, Sigal Prishtina 35 dhe Vëllaznimi 35.

Shfaq komentet
comments powered by Disqus
Sot mund të lexoni Shfletoni kopertinat