Arben Krasniqi duhet të flasë për vitet e 90-ta

Basketboll

Arben Krasniqi duhet të flasë për vitet e 90-ta

Nga: Kemajl Goca Më: 29 shtator 2021 Në ora: 13:45
Arben Krasniqi duhet të flasë për vitet e 90-ta

Ish basketbollisti dhe trajneri më i trofeshëm në Kosovë, Arben Krasniqi, duhet të flasë për vitet e 90-ta (1991-1999) dhe me guxim, sepse kur ai ka luajtur në salla të improvizuara, cila ka qenë gjendja në përgjithësi dhe a ka pas ndonjë shqiptar që nuk iu bashkua Kampionatit të Republikës së Kosovës apo që ka luajtur edhe në klubet serbe. 

Historia nuk fshihet, gjithmonë mbetet histori, arkivi ekziston. Arbeni e di, e dijnë edhe të të gjithë të tjerët!

Arben Krasniqi duhet të flasë botërisht, këtij brezi të ri të basketbollit, që nuk e dijnë sakrificën e këtij sporti, të kuptojnë një herë e përgjithmonë, jo që u derdh djersë për të mbijetuar ky sport por edhe gjak, janë rrahur e arrestuar e burgosur nga regjimit i kryekasapit të Ballkanit, Sllobodan Millosheviq. 

Kur Arben Krasniqi me shokë luante përreth maleve të Gërmisë, në Qendrën e Rinisë dhe të Sportit në Prishtinë, lozni Prishtina fantome e serbëve dhe Fushë Kosova!

Sot ky brez i ri  duhet ta kuptojë të kaluarën e këtij sporti, duhet ta kuptojë se brezi i Arben Krasniqit ka qenë më lojtarë të spikatur, që nga Blerim Vuniqi, Bekim e Besim Maxhuni, Artan Mehmeti, Agron Berisha etj, lojtar që me plot kuptimin e fjalës, me të mirë se sot që i kemi!

Ky brezi i ri, i pasluftës duhet të vdesin në fushë, sepse sot i kanë kushtet për merak, me rroga të majme, ndërsa në kohën e Arben Krasniqit nuk ka pasur asnjë byrek si shpërblim, por kanë pasur zemër të madhe e guxim.

Koha e Arben Krasniqit në salla të improvizuara e të betonit, nëse analizohet në tërësi, del gjeneratë shumë më e mirë, gjenerata e byrekut të viteve të 90-ta! 

Arben Krasniqi, njihet nga personalitete që pak flet, por si trajner la gjurmë. Ky brezi i sotëm duhet të luftojë për cilësi jo vetëm pas parasë!

Jo vetëm Arben Krasniqi, edhe vet kryetari i FBK-së, Arben Fetahu, e di se çfarë hoqën në vitet e 90-ta, si u përndoqën nga pushtuesi serb. Ky brez i sotëm, këta basketbollistë, duhet t’i grahin punës sepse sot luajnë në salla komode, nuk luajnë si në vitet e 90-ta, në salla improvizuara e fusha me beton, pa kushte, e pa rroga!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat