Sot zhvillohet ndeshja përmbyllëse e xhiros së katërt në basketboll

Basketboll

Sot zhvillohet ndeshja përmbyllëse e xhiros së katërt në basketboll

Më: 3 tetor 2021 Në ora: 09:30
Foto ilustrim

Superliga e Kosovës në Basketboll mbyll xhiron e katërt sot me duelin mes Golden Eagle Yllit dhe Sigal Prishtinës.

Kampionët aktual, Ylli e kanë nisur në mënyrë katastrofale startin e sezonit të ri, duke u gjendur në pozitën e fundit në tabelë pas tri xhirove të para, dhe bashkë me Dritën janë dy skuadrat e vetme që ende nuk e kanë shijuar fitoren në kampionatin e ri.

Prishtina e cila ka dy fitore dhe një humbje në këtë kampionat, shkon në Suharekë pas një fitoreje trilleri ndaj Bashkimit, duke triumfuar pas dy vazhdimeve radhazi me rezultat të ngushtë 105-104.

Ylli do të kërkojë fitoren e parë sot në kampionat, gjersa Prishtina të tretën në katër xhiro.

Ndeshja do të fillojë nga ora 17:15 në palestrën “13 Qershori”, gjersa tifozët do të lejohen brenda por duhet ti respektojnë masat mbrojtëse, siç janë:

Respektimi i distancës në 1.5 metra, vendosjen e maskës (mbi hundë) dhe ulëset 1 në 3 ulëse si dhe të posedojnë dëshmitë: Certifikatën e vaksinimit (dhe Letërnjoftimin) për vaksinimin e plotë kundër COVID-19.

Shikuesit do të lejohet të hyjnë në palestër 30 minuta para ndeshjes, ndërsa dyert do të mbyllen 10 minuta para fillimit të ndeshjes, thuhet në faqen zyrtare të klubit suharekas. 

commentFirst article
Sot mund të lexoni Shfletoni kopertinat