Përballja në Norvegji, Dardanët shpresojnë në përkrahjen e tifozëve shqiptarë

Basketboll

Përballja në Norvegji, Dardanët shpresojnë në përkrahjen e tifozëve shqiptarë

Më: 20 nëntor 2021 Në ora: 15:14
Përballja në Norvegji, Dardanët shpresojnë në përkrahjen e tifozëve shqiptarë

Më 25 Nëntor, Kosova përballet me Norvegjinë në udhëtim, në kuadër të parakualifikimeve për FIBA Eurobasket 2025.

Ndeshja zhvillohet nga ora 19:00 në Bergen, në palestrën “Haukelandshallen”. 1200 bileta kanë dalur në shitje, duke respektuar masat anti-Covid në Norvegji.

Basketbollistët e Kosovës shpresojnë në përkrahjen nga tifozët shqiptarë në Norvegji, ashtu siç i kanë përkrahur në çdo përballje që kanë zhvilluar si mysafirë.

Gjithashtu kjo është një mundësi e mirë për diasporën shqiptare në Norvegji të përkrahin basketbollistët e Kosovës në këtë ndeshje shumë të rëndësishme.

Kjo është hera e parë që takohen Norvegjia dhe Kosova, ndërsa për norvegjezët është ndeshja e parë kualifikuese pas 20 vjetësh.

Dardanët, pas sfidës me Norvegjinë, më 28 Nëntor takohen me Danimarkën në Prishtinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat