Prishtina e nis me fitore bindëse

Basketboll

Prishtina e nis me fitore bindëse

Më: 24 nëntor 2021 Në ora: 20:20
Prishtina e nis me fitore bindëse

Prishtina e ka filluar me fitore bindëse edicionin e ri të Ligës Unike, që njëkohësisht ishte ndeshja e parë në Ligën Unike të femrave.

Skuadra prishtinase mundi Tiranën në udhëtim me rezultat 57:97 (20:30, 8:21, 16:24, 13:22).

Vashat mysafire e nisën ndeshjen më mirë, ku në çerekun e parë kishin deri në 12 pikë epërsi 15:27, ndërsa kjo pjesë përfundoi me shifrat 20:30. Skuadra prishtinase vazhdoi me lojë të mirë, duke e thelluar edhe më tutje epërsinë, ku më e larta 24:47, ndërsa pjesa e parë përfundoi me shifrat 28:51.

Kryeqytetaset nga Kosova nuk u ndalën as në periudhën e tretë, për të thelluar edhe më shumë epërsinë. Ato ishin të mrekullueshme në sulm, ndërsa aplikuan mbrojtje të fortë, ku epërsinë më të lartë e kishte 44:75. 10 minutat e fundit ishin vetëm formale, me fituesin që ishte përcaktuar dhe Prishtina fitoi me 40 pikë dallim, 57:97.

Te Prishtina më e dalluara ishte Sarah Mgbeike me 21 pikë e 20 kërcime dhe Arbnore Përquku me 17 pikë, tetë kërcime dhe shtatë asistime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat