Sfida interesante në Superligë

Basketboll

Sfida interesante në Superligë

Më: 30 nëntor 2021 Në ora: 14:05
Foto ilustrim

Në mesjavë do të zhvillohet xhiroja e 12-të në Superligën e Kosovës në basketboll.

Ndeshja e parë zhvillohet ndërmjet kampionit Golden Eagle Yllit dhe skuadrës së fundit në renditje, Dritës. Therandasit kanë tetë fitore dhe katër humbje, kurse gjilanasit kanë 11 humbje në 11 ndeshje, duke qenë skuadra e vetme në elitë pa fitore.

Takim më i barabartë shihet mes Rahovecit dhe Sigal Prishtinës. Vreshtarët kanë dy fitore dhe nëntë humbje, kurse prishtinasit gjashtë fitore dhe pesë humbje. Sfida pritet të jetë e barabartë, duke marrë parasysh se të dy skuadrat do të hyjnë vetëm për fitore.

Përballja e fundit zhvillohet mes Trepçës dhe Bashkimit, dy skuadra me traditë në basketbollin e Kosovës dhe që kanë pasur rivalitet mes tyre ndërmjet veti në vitet e fundit. Mitrovicasit janë në vendin e parë me nëntë fitore dhe dy humbje, kurse prizrenasit kanë gjashtë fitore dhe pesë humbje. Prizreni 16 – Peja do të llogaritet rezultati i arritur në Ligën Unike.

Superliga – Java 12

E mërkurë

17:00 Golden Eagle Ylli – Drita

19:00 Rahoveci – Sigal Prishtina

E enjte 19:00 Trepça – Bashkimi

Prizreni 16 – Peja (REZULTATI I LIGËS UNIKE)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat