Vdes ish basketbollistja e njohur

Basketboll

Vdes ish basketbollistja e njohur

Më: 19 janar 2022 Në ora: 14:05
Lusia Harris

Ish-basketbollistja amerikane Lusia Harris, e vetmja grua që u përzgjodh zyrtarisht në draftin e NBA-së, vdiq të martën në moshën 66-vjeçare, njofton sot familja e saj.

“Me dhimbje të thellë ju njoftojmë se engjëlli ynë, shtylla jonë, motra jonë, nëna jonë, gjyshja jonë dhe fituesja e medaljes olimpike, mbretëresha e basketbollit Lusia Harris, ka ndërruar jetë papritur”, thuhet në njoftim. 

Harris kohët e fundit ishte subjekt i një dokumentari dhe njihet më së shumti për përzgjedhjen në Draft të NBA nga ekipi i New Orleans Jazz në 1977.

 “Mbretëresha e basketbollit” u zgjodh në draft pas paraqitjes së saj në Lojërat Olimpike në Montreal në vitin 1976, ku fitoi një medalje argjendi në paraqitjen e saj debutuese në atë sport në konkurrencën e femrave.

Me Universitetin Shtetëror Delta, ajo fitoi tre tituj në Ligën e Kolegjit dhe luajti në Ligën Profesionale të Basketbollit të femrave  nga 1979 deri në 1980.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat