Belegu me mesazh të qartë për luftimin e Covid-19

Basketboll

Belegu me mesazh të qartë për luftimin e Covid-19

Nga: K. Goca Më: 23 janar 2022 Në ora: 17:18
Belegu me mesazh të qartë për luftimin e Covid-19

Ish kryetari i Federatës së Basketbollit të Kosovës, Erolld Belegu, është i shqetësuar (si gjithë globi) me situatën që po kalon vendi për nga rritja rekorde e numrit të të infektuarve me Covid 19.

Ai kërkon që secili qytetarë t’i respektojë masat dhe të vaksinohet, ndryshe të ndëshkohet rëndë qoftë gastronomi apo institucioni që nuk i përmbahet masave sipas protokollit!  

Belegu kërkon që stadiumet dhe palestrat sportive të hapen menjëherë dhe të shërbejnë vetëm për persona të vaksinuar. 

“Një këshillë për Qeverinë e Kosovës për luftimin e Covid-19: 
- Të largohen të gjitha masat, por: 

- Të implementohet strikt rregulli- shërbimi vetëm për personat e vaksinuar;
- Transporti publik, gastronomia, klubet e natës, palestrat dhe stadiumet, shërbimet publike, shkollat dhe fakultetet, si dhe të gjitha institucionet dhe bizneset të hapen menjëherë dhe të shërbejnë vetëm personat e vaksinuar;

- Cilido biznes që nuk bënë verifikimin e klientëve nëse janë të vaksinuar të dënohet rëndë apo të mbyllet tërësisht për një kohë;

Vaksina ka mjaftë, nëse dikush nuk dëshiron të vaksinohet dhe dëshiron të rrezikojë  vetveten dhe të tjerët, duhet ti ndalohet prania në ambiente ku qëndrojnë njerëzit e ndërgjegjshëm që zbatojnë rekomandimet e OSHB-së dhe Qeverisë!

Këtë tash e bën e tëre bota, andaj Qeveria e Kosovës nuk ka çka me shpik! Vetëm duhet guxim e vendosmëri për zbatim dhe kontroll të masave.

Nuk ka nevojë kot të angazhoj inspektorë e policë për zbatimin e orës policore e ndaljes së muzikave por t'i detyroj institucionet dhe gastronomet në verifikimin e hyrjes vetëm për personat e vaksinuar (që sot askush nuk e zbaton)!
Asnjë masë tjetër nuk është e nevojshme!”,
ka shkruar Belegu në profilin e tij në facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat