Universiteti i Prishtinës, është ekipi i parë pas luftës që është paraqitur në ligën ndërkombëtare (Trocal League) në basketboll (femrat) përkatësisht në edicionin 2003-2004.
Liga përbëhej nga ekipet kroate, sllovene, boshnjake, austriake dhe Universiteti nga Kosova.
Universiteti në radhët e veta ka pasur basketbolliste nga Kroacia, por edhe me vendore tregonte forcën, siç ishin në atëkohë kapitenja Elvira Dushku, Doruntina Vuniqi, Teuta Abdullahu, Kimete Haliti, etj.
KB Universiteti 2003-2004
Një edicion që i la pa fjalë të gjithë në Trocal League! Universiteti shkëlqente, 15 fitore e 5 humbje në pjesën e rregullt të kampionatit, por në Final Four përkatësisht në gjysmëfinale mposhtet (81:64) nga Shibeniku dhe për vend të tretë mundet (87:81) nga Croatia 2006.
Universiteti, për një kohe të shkurtër shënoi rezultate spektakolare, këto rezultate u bën halë në sy për disa dhe filluan edhe pengesat me prapavijë politike. E veçanta e asaj kohe, pasi u morën vesh që Erolld Belegu të jetë drejtor i marketingut të Trocal League, të quhet ajo ProCredit, ndodhi e papritura dhe vijnë pengesat politike me dirigjim të politikës serbe.
Kushti ka qenë primitiv i Federatës së Basketbollit të Serbisë: “Largojeni Universitetin, ne marrim pjesë me dy ekipe”!
Organizatorët ranë pre e këtij kushtit primitiv dhe politikisht e larguan Universitetin nga liga vetëm pse ishte klub nga Republika e Kosovës! Universiteti dhe Belegu u penguan nga politika e çoroditur serbe, duke i ndalur rezultatet fantastike të vashave tona. Belegu ka qenë anëtar i kryesisë në Universitet në edicionin 2003-2004.
Çfarë ngjau me Universitetin pas largimit nga Trocal League? U larguan të gjithë dhe klubi mbetet në një situatë kaotike! Belegu së bashku me Arben Polloshkën morën klubin për edicionin 2004-2005, duke mos lejuar që të vijë në një situatë të pazakontë pas largimit nga Trocal League.
Belegu emërohet drejtor e Polloshka kryetar, ndërsa Jeton Nixha trajner, duke vazhduar lavdinë me super rezultate në basketbollin e Kosovës. Universiteti është simbol i basketbollit të Kosovës, sot me emrin Prishtina.
Renditja 2003-2004
1. Gospiç (Kroacia) 20 18 2 1590:1338 38
2. Shibenik Jolly JBS (Kroacia) 20 17 3 1540:1266 37
3. Universiteti (Kosova) 20 15 5 1429:1350 35
4. Croatia 2006 (Kroacia) 20 14 6 1364:1251 34
5. Merkur Celje (Sllovenia) 20 12 8 1383:1276 32
6. Zhelezniçari (Bosnja) 20 11 9 1455:1455 31
7. Postaja Center (Sllovenia) 20 6 14 1136:1486 26
8. Trocal Jedinstvo (Bosnja) 20 6 14 1238:1448 26
9. Jezhica (Sllovenia) 20 4 16 1145:1267 24
10. Gustino Powers (Austria) 20 4 16 1129:1297 24
11. Troglav Livno (Bosnja) 20 1 19 683:851 21