Policia përdori sprej për ta larguar turmën që po blinin bileta për ndeshjen Trepça  -Ylli

Basketboll

Policia përdori sprej për ta larguar turmën që po blinin bileta për ndeshjen Trepça  -Ylli

Më: 26 maj 2022 Në ora: 11:49
Policia përdori sprej për ta larguar turmën që po blinin bileta për ndeshjen Trepça  -Ylli

Procesi i blerjes së biletave për ndeshjen finale të “play-offit” të Superligës së basketbollit nuk ka shkuar si duhet.

Biletat për ndeshjen Trepça – Golden Eagle Ylli u “avulluan” për pak minuta dhe shumë tifozë mbetën të dëshpëruar dhe dyshues për keqpërdorime.

Më pas, u desh të intervenonte policia për ta shpërndarë turmën e mllefosur dhe të dëshpëruar.

Madje, policia u detyrua ta përdorte sprejin për ta larguar turmën tek vendi ku po bliheshin biletat e ndeshjes që do të luhet sonte në palestrën “Minatori” në Mitrovicë.

Tifozët janë ankuar dhe dyshojnë për keqpërdorim të procedurës së shitjes së biletave.

Sipas tyre, disa tifozë kanë blerë më shumë se një biletë, që i zgjon dyshimet për keqpërdorime dhe shitje në treg të zi.

Biletat e sotme janë shitur për më pak se 15 minuta dhe mijëra tifozë kanë mbetur duarthatë pas pritjes së gjatë.

commentFirst article
Sot mund të lexoni Shfletoni kopertinat