Kajri Irving dhe Bruklin Nets janë duke negociuar rreth kontratës së re, mirëpo gjërat nuk po shkojnë sipas planit nga të dyja palët, shkruajnë mediat amerikane.
Nëse nuk i pranon kushtet e Bruklinit, Irvingu do të ketë disa opsione, se ku të vazhdojë karrierën.
Njëri prej tyre është Nju Jork Niks dhe i dyti është sërish pranë LeBron Xhejmsit te skuadra e Los Anxhelos Lejkersi. Për opsionin e dytë, Bruklini është “i hapur”, mirëpo në këmbim kërkon një zëvendësim të duhur. Drejtuesit e ekipit nuk duan të dëgjojnë për negociata, nëse Entoni Dejvis nuk është i përfshirë në to.
Tifozët e Bruklinit frikësohen se largimi i mundshëm i Irvingut do të nënkuptonte ndarjen e “skuadrës së ëndrrave”. Të gjithë presin që Kevin Durant të jetë basketbollisti tjetër që do të kërkojë të ndryshojë mjedisin.
