Rusia mban edhe për 6 muaj në burg basketbollisten amerikane

Basketboll

Rusia mban edhe për 6 muaj në burg basketbollisten amerikane

Më: 28 qershor 2022 Në ora: 12:06
Brittney Griner, mbahet në bug

Rusia ka vendosur ta shtyjë edhe me 6 muaj të tjerë mbajtjen në burg të basketbollistes amerikane Brittney Griner, e akuzuar për trafik droge.

Lajmin e konfirmoi për CNN avokati i basketbollistes, Alexander Boykov, pas mbylljes së një seance parapërgatitore.

Proçesi gjyqësot ndaj 31-vjeçares amerikane do të nisë më 1 korrik. Ajo akuzohet për trafik dhe kontrabantë të lëndëve narkotike. Dy herë kampionia olimpike me kombëtaren amerikane është ndalur që më 17 shkurt të këtij viti në aeroportin e Moskës, pasi iu gjet vaj kanabisi.

Sipas mediave ruse, ajo rrezikon nga 5 deri në 10 vite burg, sipas ligjeve të këtij vendi. E gjatë 2.06 metra, ajo ka fituar titullin kampion në Amerikë në vitin 2014 me Phoenix (WNBA) si dhe 4 herë Euroleague për femra me skuadrën ruse të Ekaterinburg.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat