Teuta dhe Besëlidhja ndajnë kreun e Superligës

Basketboll

Teuta dhe Besëlidhja ndajnë kreun e Superligës

Më: 27 nëntor 2022 Në ora: 12:21
Teuta dhe Besëlidhja ndajnë kreun e Superligës

Teuta e Besëlidhja mbajnë kreun e renditjes së Superligës në basketboll për meshkuj edhe pas ndeshjeve të javës së 8-të të Kampionatit Kombëtar. Besëlidhja fitoi 82-78 ndaj Apolonisë, në takimin e dy skuadrave debutuese në Superligë, ndeshje e luajtur në kryeqytet.

Një përballje e ekuilibruar, vendosur në fund në favor të ekipit lezhjan, ku u dalluan Jordan me 30 pikë e Bryant me 23 pikë. Për fierakët, Robert realizoi 28 pikë, por që s’mjaftuan për të evituar humbjen. Vijon kriza e Vllaznisë, ekipi i vetëm pa asnjë fitore, që është në fundin e renditjes.

Shkodranët u mundën sot në mbrëmje 94-66 në fushën e tyre nga Kamza Basket. Mjaft e bukur ndeshja e luajtur në Durrës, ku vendasit e Teutës fituan 93-75 ndaj Tiranës, në një përballje mes dy skuadrash rivalë për titull. Për durrsakët u dalluan Mason me 22 pikë e Avery me 20 pikë, ndërsa 21 pikët e 18 rebound të Hysenagolli mbetën për statistikë.

Superliga-Meshkuj, java e 8-të

Besëlidhja – Apolonia, 82-78

Teuta – Tirana, 93-75

Vllaznia – Kamza Basket, 66-94

Renditja: Besëlidhja 14 pikë, Teuta 14 pikë, Tirana 12 pikë, Apolonia 12 pikë, Kamza Basket 12 pikë, Vllaznia 8 pikë.

Kategoria e Parë-Meshkuj, java e 6-ë

Partizani – Elbasani, 75-62

Flamurtari – Skënderbeu, 71-37

Renditja: Flamurtari 12 pikë, Partizani 10 pikë, Elbasani87 pikë, Skënderbeu 6 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat