Fitorja e shtatë radhazi për kampionin

Basketboll

Fitorja e shtatë radhazi për kampionin

Më: 3 dhjetor 2022 Në ora: 22:11
Fitorja e shtatë radhazi për kampionin

Golden Eagle Ylli ka shënuar fitore të thellë ndaj Trepcës me rezultat 86:67 (27:8, 18:21, 23:18, 18:20) në xhiron e 13-të në Prince Caffe Superligë. Për therandasit ishte fitorja e shtatë radhazi pas humbjeve që kishin, kurse mitrovicasit kanë gjashtë fitore e shtatë humbje.

Vendasit e nisën në mënyrë fantastike ndeshjen, ku qysh në fillim krijuan epërsi të lartë, 18:4, ndërsa çerekun e parë e fituan 27:8. Ylli e thelloi edhe më shumë epërsinë në periudhën e dytë, ku më e larta ishte 37:15, por më pas mitrovicasit u këndellën paksa, ku skuadrat shkuan në pushim me shifrat 45:29.

Therandasit për një nuancë ishin më të mirë në periodën e tretë, duke mos lënë epërsinë të shkrihej, madje edhe e ngritën atë, ndërsa në dhjetë minutat e fundit zhvillohej lojë me formalitet dhe sfida përfundon 86:67.

Te vendasit më i miri ishte Bashir Ahmed me 24 pikë e dhjetë kërcime, kurse te mitrovicasit më i miri ishte Cadarian Raines me nëntë pikë e dhjetë kërcime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat