Sot zhvillohen çerekfinalet e para të Superkupës së Kosovës në basketboll

Basketboll

Sot zhvillohen çerekfinalet e para të Superkupës së Kosovës në basketboll

Më: 7 dhjetor 2022 Në ora: 10:35
Foto ilustrim

Spektakël të madh pritet të ketë nga data 7 deri më datën 11 të këtij muaji, kur organizohet Superkupa e Kosovës në basketboll.

Tetë klube të kampionatit elitar janë pjesëmarrëse në këtë turne, ku do të ketë përballje tejet interesante.

Sot do të zhvillohen dy përballjet e para të kësaj gare, të vlefshme këto për Grupet A dhe D të fazës së çerekfinales.

Ndeshja hapëse do të zhvillohet me fillim nga ora 16:00, ku përballen kampioni i Kosovës në basketboll, Ylli dhe klubi i Vëllaznimit.

Ndërkaq, çerekfinalja e dytë që zhvillohet në kuadër të programit të sotëm fillon nga ora 20:00, ku Sigal Prishtina zhvillon ndeshje me Ponte Prizrenin.

Superkupa organizohet nga Sigal Prishtina në bashkëpunim me Federatën e Basketbollit të Kosovës (FBK), ndërsa ndeshjet zhvillohen në Pallatin e Rinisë dhe Sportit në Prishtinë.

Programin e plotë të ndeshjeve të sotme në Superkupën e Kosovës në basketboll e gjeni më poshtë.

E mërkurë (Grupi A-D)

16:00 Çerekfinale 1: Golden Eagle Ylli - Vëllaznimi

20:00 Çerekfinale 2: Sigal Prishtina - Ponte Prizreni

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat