Xhiroja e shtatë në Ligën Unike të Femrave do të dhurojë disa ndeshje mjaft interesante.
Sfida e parë do të jetë mes Penzës dhe Flamurtarit apo kampiones së Kosovës dhe Shqipërisë.
Në këtë edicion, skuadra pejane ka dy fitore e katër humbje, kurse ajo nga Vlora, pesë fitore dhe një humbje. Humbjen e parë e pësoi javën e kaluar nga Bashkimi, megjithatë, vashat vlonajte së fundi fituan Kupën e Shqipërisë dhe janë të motivuar më shumë për të fituar trofe, kurse kampionet e Kosovës me përforcimet e fundit kanë ngritur ambiciet.
Ndeshja e dytë është derbi i Kosovës mes Bashkimit dhe Prishtinës, ku këto dy skuadra u takuan edhe në Superligën e Femrave, me prizrenaset që vazhduan të jenë të pamposhtura në elitën e femrave në Kosovë.
Në Ligën Unike, të dy skuadrat kanë nga tri fitore e tri humbje, andaj kjo sfidë është shumë e rëndësishme.
Takimi i fundit i kësaj jave është mes Tiranës dhe Partizanit apo derbit të qytetit. Tirana ka një fitore e pesë humbje, ndërsa Partizani numëron katër fitore e dy humbje në këtë edicion.
Liga Unike e Femrave – Java 7
E martë
17:00 Penza - Flamurtari
19:00 Prishtina - Bashkimi
E mërkurë
19:00 Tirana – Partizani
