Është mbyllur java e parë e Superligës në basketboll për meshkuj më tri takimet e fundit të luajtura. Besëlidhja kampione fitoi thellë 108-71 në kryeqytet ndaj Partizanit, duke marrë pikët e para në kampionat.
Skuadra lezhjane e thelloi epërsinë gradualisht nga perioda në periodë, duke e merituar fitoren. Davis realizoi 31 pikë për Partizanin por që s’mjaftuan,ndërsa për Besëlidhjen, 5 basketbollistë realizuan mbi 12 pikë.
Pa probleme fiton edhe Vllaznia, që në fushën e saj triumfoi 99-70 ndaj Flamurtarit. Bryant me 23 pikë ishte lider në fushë për shkodranët, mbështetur nga Arnold me 19 pikë, ndërsa 26 pikët e Williams për vlonjatët mbetën për statistikë.
Superliga-Meshkuj, java e parë
Kamza Basket – Teuta, 81-89
Elbasani – Pogradeci, 98-64
Tirana – Fieri Basket, 94-84
Skënderbeu – Apolonia, 68-81
Partizani – Besëlidhja, 71-108
Vllaznia – Flamurtari, 99-70
Renditja: Besëlidhja 2 pikë, Vllaznia 2 pikë, Apolonia 2 pikë, Elbasani 2 pikë, Tirana 2 pikë, Teuta 2 pikë, Kamza Basket 1 pikë, Fieri Basket 1 pikë, Pogradeci 1 pikë, Partizani 1 pikë, Skënderbeu 1 pikë, Flamurtari 1 pikë.
