Bashkimi i Prizrenit, lider i Superligës së Kosovës në basketboll, nesër (18.45) do të përballet me rivalin e vjetër, Trepçën e Mitrovicës.
Ndeshja është e vlefshme e javës së 10-të.
Bashkimi kryeson me 16 pikë, ka tre më shumë se Trepça në pozitën e tretë, kjo e fundit ka një ndeshje më pak.
“Bashkimi - Trepça – biletat në shitje nesër!
Tifozë, mNesër, nga ora 12:00, fillon shitja e biletave para palestrës “Sezai Surroi”!
Çmimet:
Biletë e rregullt – 3€
VIP – 15€
(Çdo person mund të marrë deri në 4 bileta)
Hapja e dyerve: 17:30
Ju lutemi të respektoni ulëset VIP sipas biletës.
Ejani të gjithë ta përkrahim ekipin tonë dhe ta mbushim ‘Sezai Surroin’!”, shkruan në faqen e KB Bashkimit.
