Në një sfidë shumë interesante, Bora nga Prishtina shënoi fitore ndaj GO+ Pejës me rezultat 81:82 (15:30, 26:13, 14:24, 26:15), në javën e dhjetë të ProCredit Superligës në basketboll.
KB Bora shkaktoi senzacion në Pejë.
Prishtinasit e nisën ndeshjen shumë më mirë, duke dominuar në çerekun e parë, 15:30, derisa vendasit u kundërpërgjigjën në periudhën e dytë, 26:13, ndërsa skuadrat shkuan në pushim me rezultat 41:43.
Kryeqytetasit sërish ishin më të mirë në periodën e tretë, 14:24, kurse pejanët tentuan deri në fund përmbysjen, por vetëm duke afruar rezultatin në 81:82, sa përfundoi ndeshja.
Musab Mala kishte 17 pikë e pesë asistime, kurse Jordan Johnson 20 pikë për vendasit, kurse te mysafirët,
Alex Hunter kishte 21 pikë, tetë kërcime e tetë asistime, ndërsa Amin Hot 23 pikë e shtatë kërcime.
GO+ Peja ka shtatë fitore e tri humbje, ndërsa Bora katër fitore e gjashtë humbje.
