Edita Medunjanin, Menaxhere e Projekteve në FBK dhe Rrezarta Kqiku, Asistente Ekzekutive në FBK, morën pjesë në Takimin e Komitetit Drejtues të Projektit Inovativ SHOOTER, të zhvilluar në Dublin të Irlandës.
Gjatë takimit u diskutua për progresin e projektit, rezultatet e fazës së pilotimit dhe hapat e ardhshëm, ndërsa u prezantuan edhe funksionalitetet e reja të platformës SHOOTER.
Projekti synon t'u ofrojë federatave evropiane të basketbollit mjete moderne digjitale për menaxhim dhe administrim më efikas.
SHOOTER udhëhiqet nga Federata e Basketbollit të Katalonisë dhe realizohet në bashkëpunim me federatat e Irlandës, Bullgarisë dhe Kosovës, me mbështetjen e programit Erasmus.
Pjesëmarrja e FBK-së në këtë projekt është një tjetër hap drejt digjitalizimit, modernizimit dhe avancimit të kapaciteteve institucionale të basketbollit në Kosovë.
