KB Peja ka njoftuar se ka nënshkruar me basketbollistët Slobodan Miljanic dhe Robert Abramovic
Skuadra e KB Pejës ka njoftuar se ka nënshkruar me dy basketbollistë, malazezin Slobodan Miljanic dhe sllovenin Robert Abramovic.
Miljanic luan në pozitën e krahut dhe është i gjatë 201 cm. Ishte pjese e NCAA deri në vitin 2013 tek ekipi Lynn.
Pastaj karrierën e vazhdojë në Zvicër tek ekipi Fribourg Olympic. Sezonin e fundit ishte pjesë e ekipit sllovak, Prievidza ku ishte edhe pjesëmarrës në FIBA Europe Cup.
Ndërsa slloveni Robert Abramovic luan ne pozitën e organizatorit. Ai ka një përvojë në Supërligën sllovene dhe atë austriake tek ekipet si: Skofja Loka, Raiffaisen Graz, Zlatorog Lasko, Raiffeisen Panthers, Grusuplje, Hopsi Polzela.
Së fundmi ai ishte pjesë e ekipeve maqedone Kozuv dhe Zabok.