KB Peja shfaqi një performancë fenomenale duke mposhtur Kozuvin në shtëpi me rezultat 83-66.
Peja hyri fuqishëm në këtë takim duke u ndihmuar nga tifozët vendas në palestrën Karagaçi.
Vendasit të udhëhequr nga Alban Veseli krijuan një epërsi solide në çerekun e parë, prej tetë pikësh.
Çereku i dytë ishte më i barabartë, kurse Peja dominimin e kishte kryesisht nga gjuajtjet prej distancës, ku është edhe arma e fortë e vendasve.
Në pjesën e dytë vendasit ishin edhe më shkatërrimtar.
Çereku i tretë dhe i katërt thelluan epërsinë ku Peja ishte e papërmbajtshme nga vija për tri pike duke qëlluar plot 12 sosh.
Më i miri ishte Robert Abramovich me 20 pikë, pasuar nga Cameron Rundles me 19 pikë dhe Alban Veseli me 17 pikë.
Ndeshja e ardhshme e dytë zhvillohet në udhëtim te Kozuvi dhe Peja nëse fiton mund ta vulosë gjysmëfinalen në Pejë në ndeshjen e tretë.
