Kosova sërish më e mirë se Shqipëria, gati për Maqedoninë - Bota Sot
Kosova sërish më e mirë se Shqipëria, gati për Maqedoninë

Basketboll

Kosova sërish më e mirë se Shqipëria, gati për Maqedoninë

Më: 24 korrik 2017 Në ora: 11:32
Kosova

Basketbollistët e kombbëtares A të Kosovës në Tiranë e kanë mposhtur sërish Shqipërinë me rezultat 90:72 (25:19, 31:14, 20:23, 14:16) në ndeshjen e dytë miqësore në kuadër të përgatitjeve për parakualifikimet evropiane për Kupën e Botës "Kina 2019".

Prej fillimit të ndeshjes e deri në fund ishin basketbollistët e Përfaqësueses sonë ata që dominuan në parket dhe kështu në fund iu gëzuan fitores me 18 pikë dallim.

Më të dalluarit nga radhët e Kosovës ishin Dardan Berisha me 25 pikë, Alban Veseli me 20, Lis Shoshi me 16 dhe Leonard Mekaj me 11 pikë. Ndërkaq te Shqipëria më efikasit ishin Gerti Shima me 18 dhe Oltion Muqa me 12 pikë.

Duhet theksuar se të shtunën Kosova e ka mposhtur Shqipërinë në ndeshjen e parë miqësore me shifrat 71:63. Ndërkohë në javën që e lamë pas Përfaqësuesja jonë i ka zhvilluar tri ndeshje miqësore, kur është mundur nga Austria dhe një herë ka triumuar kundër Sllovakisë dhe një herë është mposhtur nga kjo kombëtare.

Kosova bën gara në Grupin C të parakualifikimeve evropiane për Kupën e Botës "Kina 2019" së bashku me Maqedoninë dhe Estoninë, ndeshje këto që do të fillojnë më 2 dhe do të përfundojnë më 19 gusht 2017. Ndeshjen e parë Kosova do ta luaj si nikoqire me 2 gusht kundër Maqedonisë në Pallatin e Rinisë dhe Sporteve në Prishtinë.

Sot mund të lexoni Shfletoni kopertinat