Tiranës i hiqet fitorja ndaj Kumanovës në Ligën Ballkanike - Bota Sot
Tiranës i hiqet fitorja ndaj Kumanovës në Ligën Ballkanike

Basketboll

Tiranës i hiqet fitorja ndaj Kumanovës në Ligën Ballkanike

Më: 29 nëntor 2017 Në ora: 18:41
Tirana

Fitorja dramatike e Tiranës ndaj Kumanovës në Ligën Ballkanike, ndeshje e luajtur më 7 nëntor në sallën sportive “Feti Borova”, nuk ka më asnjë vlerë për bardheblutë (kampionët e Shqipërisë fituan 75:73). Liga Ballkanike (BIBL) ka vendosur të përjashtojë nga ky event ekipin maqedonas të KK Kumanovës, pasi nuk ka përmbushur detyrimet financiare. BIBL ka vendosur gjithashtu që të gjitha rezultatet e arritura nga ekipi maqedonas në këtë edicion të mos llogariten, duke qenë se nuk është zhvilluar ende gjysma e sezonit 2017-2018. Natyrisht që kjo gjë vlen për të gjitha skuadrat që kanë luajtur deri më tani ndaj ekipit të Kumanovës.

Për Tiranën përjashtimi i Kumanovës është një goditje e rëndë, pasi bardheblutë patën arritur një fitore dramatike ndaj ekipit maqedonas 75-73, duke marrë dy pikë të rëndësishme, që tashmë nuk vlejnë më për renditjen e Ligës Ballkanike. Pas këtij vendimi, Tirana zbret në vendin e katërt në klasifikim, me 4 ndeshje të luajtura, dy fitore dhe dy humbje, ndërkohë që numri i skuadrave në BIBL zbret në shtatë. Takimi i radhës për kampionët e Shqipërisë do të jetë më 5 dhjetor, ndaj bullgarëve të Rilski Sportist, ndeshje që do të luhet në Tiranë (ora 18:30). Një sfidë e vështirë për bardheblutë, pasi bullgarët nuk kanë asnjë humbje deri më tani në tri takime të luajtura, raporton telesport.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test