Do të luhen nesër pasdite (30 janar) dy ndeshjet gjysmëfinale të Kupës së Shqipërisë në basketboll për femra, ku spikat super-sfida mes Tiranës dhe Flamurtarit, ndeshje që do të luhet në orën 12:00. Ka qenë ky verdikti që ka dalë sot nga hedhja e shortit kryer në mjediset e FSHB-së, ndërkohë që ndeshja tjetër gjysmëfinale është ajo mes Goga Basket dhe Studentit. Ndërsa më datën 31 janar, ora 19:00, do të luhet ndeshja finale, që do të kurorëzojë edhe skuadrën fituese të këtij eventi, raporton telesport. Federata Shqiptare e Basketbollit ka konfirmuar gjithashtu se më datën 2 shkurt do të luhen ndeshjet gjysmëfinale për meshkuj, ku pas hedhjes së shortit kemi këto çifte: derbin Tirana-Kamza Basket dhe Teuta-Partizani. Ndërsa më datën 3 shkurt, ora 18:00, do të luhet finalja e Kupës së Shqipërisë për meshkuj. Është vendosur që ndeshjet gjysmëfinale dhe ato finale të këtij eventi, meshkuj e femra, të luhen në sallën sportive “Feti Borova” në kryeqytet, pranë Tirana Olimpik Park.
Gjysmëfinale Femra, 30 janar (salla Feti Borova)
Tirana – Flamurtari, ora 12:00
Goga Basket – Studenti, ora 15:00
Gjysmëfinale meshkuj 2 shkurt (salla Feti Borova)
Tirana – Kamza Basket, ora 16:00
Teuta – Partizani, ora 18.00
