Shorti i NBA, mësohet data kur LeBron debuton me Lakers - Bota Sot
Shorti i NBA, mësohet data kur LeBron debuton me Lakers

Basketboll

Shorti i NBA, mësohet data kur LeBron debuton me Lakers

Më: 11 gusht 2018 Në ora: 18:53
LeBron James

LeBron James i dha lamtumirën Cleveland Cavaliers pas katër sezonesh, ku arriti të fitojë edhe një titull kampion në NBA, në vitin 2016. Ylli amerikan i basketbollit iu bashkua skuadrës së Los Angeles Lakers ku nënshkroi një kontratë 4-vjeçare, me një pagë totale prej 154 milionë dollarësh.

Pasditen e djeshme u hodh edhe shorti për sezonin e ri të NBA, ndërsa debutimi i Lebron me Los Angeles do të bëhet pikërisht më 18 Tetor, në sfidën që Lakers do ta zhvillojnë ndaj Portlandit në transfertë.

Tifozët kalifornianë do të duhet të presin 20 Tetorin për të parë yllin 33-vjeçar në parketin e “Staples Center”, në sfidën mes Lakers dhe Houston Rockets.

Vetëm një muaj më vonë, më 21 Nëntor, LeBron do të rikthehet edhe në “Quicken Loans Arena”, ku do të përballet si kundërshtar me Cleveland Cavaliers, skuadër për të cilën ka luajtur në katër sezonet e fundit.

Kujtojmë që sezoni i ri i NBA do të startojë më 16 Tetor, ndërsa pretendentëve kryesorë Golden State Warriors dhe Cleveland Cavaliers, u është shtuar tashmë edhe Lakers, me praninë e LeBron në skuadër.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test