Prishtina fiton Superkupën e Kosovës - Bota Sot
Prishtina fiton Superkupën e Kosovës

Basketboll

Prishtina fiton Superkupën e Kosovës

Nga: Kemajl Goca Më: 16 shtator 2018 Në ora: 15:53
KB Prishtina

Prishtina është fituese e Superkupës së Kosovës në basketboll. Vashat e Prishtinës shënuan fitore me rezultat 71:68 (23:22, 14:23, 15:16, 19:7) ndaj kampiones në fuqi, Bashkimi nga Prizreni, në ndeshjen që u luajt në Qendrën e Rinisë dhe të Sportit në Prishtinë. Lojë e fortë deri në pikën e fundit, por prishtinaset në çastet vendimtare u treguan më syçelë dhe ia dolën të fitojnë me 3 pikë dallim.

Irma Konjusha me 22 pikë, Saranda Daci 19 dhe Marigona Rushiti me 10 sosh, janë protagoniste të fitores së Prishtinës. Te Bashkimi u shquan Danisha Shaw me 23 pikë e Mari Stewart me 18, por të pamjaftueshme. Prishtina, e nis edicionin e ri me trofe, ndërsa trajneri i saj Fidan Shatri është i lumtur për angazhimin dhe për fitoren ndaj rivales prizrenase. Në fakt, çereku i fundit ka qenë fatal për Bashkimit, kurse Prishtina luajti jashtëzakonisht dhe ia doli të mund kampionen.

Prishtina – Bashkimi    71:68

Prishtina: Rexhaj, Shatri 7, Hashani, Halitaj 3, Konjusha 22, Martinaj 8, Daci 19, Kamerolli, Rushiti 12, Smajlaj dhe Osmani.

Bashkimi:Cenollari, Emra 6, Bytyçi, Olloni, Vraniqi 2, Muhadri 6, Gashi 13, Kala, Çejku, Kryeziu, Stewart 18 dhe Shaw 23.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...