Butler kërkon largimin - Bota Sot
Butler kërkon largimin

Basketboll

Butler kërkon largimin

Më: 20 shtator 2018 Në ora: 17:24
Butler kërkon largimin

Ylli i Minnesota Timberwolves Jimmy Butler ka kërkuar largimin nga skuadra, përpara fillimit të sezonit 2018-2019. Sipas mediave amerikane, ekipet të cilat Butler do të pranonte transferimin janë Brooklyn Nets, Los Angeles Clippers dhe New York Knicks. Për sa i përket Knicks, presidenti i ekipit Steve Mills tha në një event me fansat se skuadra nuk do të shkëmbejë asete për një lojtar, të cilin mund ta marrin si agjent të lirë verën e ardhshme.

Ajo që mund të duket si surprizë, është lënia jashtë listës e Lakers nga ana e Butler, por arsyeja për këtë mendohet të jetë kalimi i LeBron James tek ekipi nga Los Angeles.Butler u morr në qershorin e 2017 nga Minnesota, pas një marrëveshjeje me Chicago Bulls. Në sezonin e kaluar, ai kishte një mesatare prej 22.2 pikësh, 5.3 topa në tabelë, 4.9 assiste dhe 2 vjedhje për ndeshje. Pavarësisht se zhvilloi një sezon të mirë, ka pasur shumë zëra se 29-vjeçari nuk kishte një marrëdhënie të mirë me disa prej lojtarëve kryesorë të Timberwolves.

Shumë media kanë aluduar se Butler mund të bashkohet në një ekip me organizatorin e Boston Celtics, Kyrie Irving, verën e ardhshme, duke qenë se të dy mund të bëhen lojtarë të lirë.Mbetet për tu parë nëse Minnesota do t’ja realizojnë dëshirën për një shkëmbim Butler, me sezonin e ri që është më pak se një muaj larg, ku në ndeshjen debutuese, Timberowlves do të luajnë kundër San Antonio Spurs.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...