Los Angeles Lakers janë kthyer tek fitorja, pas humbjes së pësuar në ndeshjen e fundit ndaj Denver.
Lakers kanë mposhtur Indiana Pacers me rezultatin 104-96.
Në këtë ndeshje, si zakonisht më efikasi ishte LeBron James, i cili kontribuoi me plot 38 pikë për skuadrën e tij.
“Mbreti” gjithashtu shtoi 7 asistime, rrëmbeu 9 kërcime dhe pati 2 topa të vjedhur në paraqitjen e tij fenomenale.
Në këtë fitore të Lakers kontribuuan edhe Brandon Ingram me 14 pikë, Josh Hart me 13 dhe Caldwell Pope e Kyle Kuzma me nga 11.
Kjo njëkohësisht është fitorja e 12 e skuadrës nga Los Angeles këtë sezon.
