Një nga duelet që tërhoqi vëmendjen më të madhe në sportet luftarake, ishte ai mes Conor McGregor dhe Floyd Mayweather.
Dueli mes dy luftëtarëve u zhvillua në ringun e boksit, me rregullat e boksit, duel të cilin e fitoi amerikani Mayweather.
Megjithatë, irlandezi McGregor së fundmi ka thënë se është i hapur për një ndeshje, pasi kishte postuar një video në ‘Twitter’.
“Këtu zbulova me një ‘kroshe’ të djathtë. Këndi ishte i hapur. Ai ishte në probleme. Duhej vetëm të qëndroja në këmbë dhe të hapja zjarr. Duke u nxituar në kroshe, humba balancin. Ishte ndeshje e madhe. Një revansh do të ishte shumë interesant” ka thënë ‘Notorious’.
Në anën tjetër, Mayweather po shikon që të ketë më shumë ndeshje ekzibicion pas fitores ndaj Tenshin Nasukawa.