Andy Ruiz Jr është konfirmuar edhe zyrtarisht si kundërshtari i ri i kampionit të padiskutueshëm të botës në kategorinë e rëndë të boksit, Anthony Joshuas, për meçin e 1 qershorit në Madison Square Garden.
Boksieri meksikan do të boksojë në vend të Jarrell Miller, për shkak se ky i fundit doli pozitiv në testet e dopingut, në meçin debutues të britanikut Joshua në SHBA.
Kjo nënkupton se Ruiz do të përpiqet t’ia rrëmbejë Joshuas titujt ËBA, ËBO dhe IBF në arenën e famshme në Manhattan.
Ruiz vjen i freskët nga një fitore e fuqishme ndaj Alexander Dimitrenko, të cilin e nokautoi pas pesë rundeve në fillim të këtij muaji.
Meksikani i ka 32 fitore nga 33 meçe, përshirë 22 me nokaut.
Joshua, ndërkohë, është i pamposhtur pasi i ka fituar të gjitha 22 meçet e tij.
