Conor McGregor ndërton tetë shtëpi për familjet e pastreha në Dublin - Bota Sot
Conor McGregor ndërton tetë shtëpi për familjet e pastreha në Dublin

Boksi

Conor McGregor ndërton tetë shtëpi për familjet e pastreha në Dublin

Më: 17 maj 2019 Në ora: 20:48
Conor McGregor

Kampioni luftëtar i MMA, Conor McGregor ka kontribuuar në ndërtimin e tetë shtëpive për familjet e pastreha në kryeqytetin e Irlandës, Dublin.

Ai u pa i pranishëm në sheshin e ndërtimit për të inspektuar zhvillimet në ndërtimin e shtëpive, teksa përshëndeti disa nga fqinjët vendas, shkruan DailyMail, transmeton Telegrafi.

McGregor foli me punëtorët e ndërtimit që po ndërtojnë shtëpitë me tre dhoma gjumi që do të shkojnë tek njerëzit e pastrehë që aktualisht jetojnë në hotele rreth kryeqytetit irlandez.

30-vjeçari, fitimet vjetore të të cilit mendohet se shkojnë deri në 75 milionë funte, shpesh përdor mediat sociale për të treguar aktivitetet e tij.

“Ne kemi tetë shtëpi drejt përfundimit. Shtëpi me tre dhoma gjumi, të destinuara për familjet që aktualisht banojnë në hotele rreth kryeqytetit, pa një shtëpi që mund ta quajnë të veten. Por jo për edhe për shumë kohë. Nëpërmjet stuhisë vjen dielli”, kanë qenë disa nga fjalët e McGregor.

“Duke ecur sot në këtë vend dhe këto shtëpi, duke takuar të gjithë fqinjët, duke e ditur se së shpejti do të ketë familje që jetojnë këtu, duke krijuar kujtimet e tyre dhe duke ndërtuar jetën e tyre, më jep krenari të madhe”, ka vazhduar më tej McGregor

“Irlanda përgjithmonë! Irlanda e para! Irlanda gjithmonë!”, ka shkruar ai në rrjetet sociale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...