Fitorja e 12-të radhazi në kafaz për Tony “El Cucuy” Ferguson, që në eventin UFC-238 zhvilluar sot në Çikago mposhti me “KO teknik” në fund të raundit të dytë Donald “Cowboy” Cerrone, sfidë e vlefshme për peshën e lehtë.
Dueli u ndal nga doktorët, që në fund të raundit të dytë deklaruan se Cerrone nuk mund të duelojë më, pasi syri i tij i djathtë ishte enjtur dhe rrezikonte një dëmtim më të rëndë.
Sfida ishte e vlefshme për peshën e lehtë në artet marciale mikse dhe falë këtij triumfi, Ferguson hedh kandidaturën për t’u ndeshur për titullin kampion në këtë Divizion. Me shumë gjasa, amerikani do të duelojë me fituesin që do të dalë nga përballja mes kampionit aktual Khabib Nurmagomedov dhe Dustin Poirier (zhvillohet në shtator).
Not how anyone wanted it to end but @TonyFergusonXT gets the win at #UFC238 pic.twitter.com/HY0Dk2BP40
— UFC Europe (@UFCEurope) June 9, 2019
Pavarësisht se dueli u mbyll pas dy raundesh, ato 10 minuta në kafaz ishin një betejë e vërtetë, ku të dy sportistët dueluan fort. Cerrone, pavarësisht humbjes, dha disa goditje të forta në fytyrën e Ferguson, që rezistoi.
Ai u kundërpërgjigj me disa grushte të fuqishëm, që dëmtuam rëndë Cerrone në sy, duke u detyruar të tërhiqet dhe pranojë humbjen pas vendimit të mjekëve.