Mazrekaj për meçin me djalin e Arkanit: Do të flasë me punë, e mposhti - Bota Sot
Mazrekaj për meçin me djalin e Arkanit: Do të flasë me punë, e mposhti

Boksi

Mazrekaj për meçin me djalin e Arkanit: Do të flasë me punë, e mposhti

Më: 2 korrik 2019 Në ora: 17:42
Petrit Mazrekaj dhe Veljko Raznatovic

Petrit Mazrekaj, boksieri me prejardhja nga Kosova, ka thënë se mendon që e fiton meçin ndaj Veljko Raznatovic, i cili është djali i kriminelit serb Arkan.

Mazrekaj ka folur të martën në “Imazh” te RTK për meçin e planifikuar për 31 gusht.

Ai ka thënë se ftesa djalit të Arkanit ka ardhur pasi që i kishte rrahur keq në Serbi tre boksierë serbë, dhe sipas Mazrekajt, ai po pretendon të marrë hak.

Ai tha se nuk e njeh edhe aq djalin e Arkanit, por është duke u përgatitur dhe në ring do të tregojë veten.

“Unë e fitoj meçin. Nuk kam qejf të flasë shumë, por me punë të kallëzoj atë që duhet. Ky është pak më i gjatë se sa unë, por unë e di që goditjen e kam shumë të rëndë. Janë shumë komponentë që duhet të jenë dhe unë mendoj që i kam të gjitha ngapak”, ka thënë ai.

Boskieri i Kosovës tha se djali i Arkanit me provokimet që po i bën po përpiqët që ta shtyejë meçin, por sipas tij ai nuk ka ku të ikë pa u përballur në ring. Sipas Mazrekajt, meçi nuk do të luhet në Beograd, por në një vend neutral, qoftë në Gjermani apo Zvicer.

Mazrekaj, 28-vjeçar, ka 17 fitore, 13 prej të cilave me nokaut, dhe asnjë humbje që prej debutimit të tij në vitin 2011.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...