Ndërron jetë ish kampioni i botës - Bota Sot
Ndërron jetë ish kampioni i botës

Boksi

Ndërron jetë ish kampioni i botës

Më: 19 janar 2020 Në ora: 19:38
Ndërron jetë ish kampioni i botës

Ditë zije për boksin, pasi që ka ndërruar jetë në moshën 67-vjeçare ish kampioni  i botës.

Peter Mathebula kishte shkruar histori në vitin 1980, pasi e mposhti Tae-Shik Kim për t’u shpallur kështu kampion në WBA për peshat e lehta në Los Angeles.

Aftësitë e tija të mrekullueshme në boks, ia fituan nofkën ‘Terrori’.

Mathebula ishte i shtrirë në spital prej javësh, derisa motra e tij Dianah Tlhale ka zbuluar se gjendja e tij ishte përkeqësuar në ditët e fundit.

“Ai kishte kohë që ishte në spital, ndërsa në ditët e fundit iu përkeqësua gjendja. Peter ndërroi jetë në spitalin Leratong të shtunën në mbrëmje”, ka thënë ajo.

Triumfi në vitin 1980 ishte momenti i tij më i mirë në karrierë, duke fituar kështu tifozë në mbarë botën, por veçanërisht në vendlindjen e tij, në Afrikën e Jugut.

Mathebulla ishte pensionuar nga boksi në moshën 31-vjeçar, për t’u bërë më pas trajner dhe ka inspiruar shumë afrikanë që të merren me boks.

Shfaq komentet
comments powered by Disqus
Sot mund të lexoni Shfletoni kopertinat